اترپردیش: سہارا اسپتال پر 4.58 کروڑ کے جرمانہ عائد کرنے کا مطالبہ

ریاست کے دارالحکومت لکھنؤ میں واقع سہارا اسپتال کے خلاف مرکزی آلو دگی کنٹرول بو رڈ ( سی پی سی بی ) اور اتر پر دیش آلو دگی کنٹرو ل بو رڈ ( یو پی پی سی بی ) نے آلودگی کے الزام میں 4.58کروڑ روپئے جرمانہ عائد کرنے کا مطالبہ کیا ہے۔

اترپردیش ٹھوس فضلہ منیجمنٹ کمیٹی کے سکریٹری راجیندر سنگھ نے بتایا کہ سی پی سی بی نے سہارا اسپتال پر آلودگی پھیلانے کے الزام میں 4.58 کروڑ روپئے کا جرمانہ عائد کیا ہے ساتھ ہی سی پی سی بی کو تین ماہ بعد دوبارہ اسپتال کا معائنہ کرنے کی ہدایت دی گئی ہے۔

اس مدت میں اگر اسپتال انتظامیہ اپنی خامیوں کو دور نہیں کرتا ہے تب اس رپورٹ جاری ہونے کی مدت سے 25000 روپئے یومیہ جرمانہ عائد کیا جائےگا۔

انہوں نے کہا کہ کمیٹی کے ذریعہ سی پی سی بی اور یو پی پی سی بی کے سائنسدانوں اور انجینئروں کے ساتھ سہارا اسپتال لکھنو کا معائنہ کیا گیا تھا۔

راجیندر سنگھ کا کہنا ہے کہ سہارا اسپتال کے ذریعہ واٹر اینڈ ایئر ایکٹ کے تحت یو پی پی سی بی سے کوئی منظوری نہیں لی ہے۔