بریلی کو اسمارٹ سٹی بنانے کی قواعد شروع

مرکزی حکومت نے چوتھے مرحلے کے دوسرے راؤنڈ میں بریلی شہر کو اسمارٹ سٹی کی فہرست میں منتخب کیا تھا۔

اطلاع کے مطابق اس منصوبے کے تحت بریلی شہر کو اسمارٹ سیٹی بنانے کے لیے 77.1902کڑور روپئے مونسپل کارپوریشن کو ملنا طے ہے، جبکہ پہلی قسط میں گزشتہ برس 60 کروڑ روپئے مل چکی ہے، جس کے ذریعے اسمارٹ سیٹی بنانے کی شروعات ہو چکی ہے۔

ڈی پی رپورت کے ساتھ ساتھ شہر کے تمام مقامات کی نشاندہی بھی کر لی گئی ہے جہاں سے ترقیاتی کاموں کو شروع کیا جانا ہے۔

اس منصوبے کے تحت شہر کے چوک چوراہے، ایوب خاں چوراہہ اور گاندھی گارڈن سمیت چھ چوراہوں پر روٹری قائم کیا جائےگا، جبکہ عام راستوں کو مزید خوبصورت بنایا جائےگا۔ اس کے علاوہ ضلع ہسپتال اور گاندھی گارڈن پر اوور برج بھی تعمیر کی جائے گی۔

اسمارٹ سٹی منصوبہ کے تحت میئر ہاؤس کے پیچھے تالاب اور ایلن کلب کو ملاکر ”سنجے گاندھی کمیونٹی ہال“کا رقبہ وسیع کیا جائے گا۔

تقریباً 50 کروڑ روپئے کی لاگت سے کوڑا جمع کرنے والے سینٹر تعمیر کئے جائیں گے، جس سے شہر کے ہر علاقے سے کوڑے کو آسانی سے جمع کرکے ضائع کیا جا سکے ۔

اسپورٹس اسٹیڈیئم کے احاطے میں مِنی اسٹیڈیئم قائم کیا جائےگا جس میں سویمنگ پول، بیڈ منٹن اور ٹینس کورٹ کی بھی تجدید ہوگی۔

شہر میں موتی پارک، ایلن کلب، سنجے گاندھی کمیونیٹی ہال جیسی چار مقامات پر ملٹی اسٹوری پارکنگ بھی قائم کی جائے گی۔

کمانڈ اور کنٹرول سینٹر پر توجہ دیا جائے گا
شہر میں ٹریفک سسٹم، جام اور نو انٹری میں گاڑیوں کے داخل ہونے کی اطلاع کے لئے کمانڈ اور کنٹرول سینٹر کائم کیا جائےگا۔