مندر میں چوری کرنے والے گرفتار

ریاست اترپردیش کے ضلع بارہ بنکی میں واقع گائتری مندر میں چوری کرنے والوں کو پولیس نے گرفتار کر لیا ہے اور ان کے پاس سے چوری کے سامان کو بھی برآمد کیا ہے۔

بارہ بنکی کے سِول لائن علاقے میں واقع گائتری مندر سے پوجا کے سامان اور پیسے چوری ہو گئے تھے۔ پولیس اس معاملے کی تحقیقات کر رہی تھی۔

اس دوران جمعہ کو گشت کے دوران کوتوالی پولیس نے موحلہ پیر بٹاون کے ساکن منا عرف دوست محمد اور زیدپور تھانے کے محمد پور کے ساکن مرشد عالم کو وکاس بھون موڑ سے گرفتار کیا۔ ان میں سے دوست محمد نابالغ ہے۔

پولیس نے ان کے پاس پوجا کا سامان، 1519 روپے نقد اور دیگر چیزوں کو برآمد کیا۔