بجنور: دن دہارے لوٹ کا پردہ فاش

پولیس نے دن دہاڑے ہوئی خاتون سے لوٹ کا پردہ فاش کر دیا ہے۔ اس معاملہ میں پولیس نے ایک بدمعاش کو گرفتار بھی کیا ہے جبکہ دو بدمعاش بھاگنے میں کامیاب ہو گئے جن کی پولیس سرگرمی سے تلاش کر رہی ہے۔

ریاست اترپردیش کے بجنور ضلع کے تھانہ کوتوالی کے گاؤں تھمبووالا میں کل دوپہر بارہ بجے کے آس پاس چیتن نام کا شخص اپنی مامی خاتون کو بائیک پر بیٹھا کر گھر جارہا تھا۔

دراصل پولیس نے دن دہاڑے ہوئی خاتون سے لوٹ کا پردہ فاش کر دیا ہے۔ اس معاملہ میں پولیس نے ایک بدمعاش کو گرفتار بھی کیا ہے جبکہ دو بدمعاش بھاگنے میں کامیاب ہو گئے جن کی پولیس سرگرمی سے تلاش کر رہی ہے۔

اسی دوران بروکی نہر پولیاں کے نزدیک بائیک پر سوار تین بدمعاشوں نے پتہ پوچھنے کے بہانے سے چیتن کو روکا۔ اس کے بعد بندوق کی نوک پر خاتون کے پرس میں رکھے نقد 52 ہزار روپے اور گلے کی سونے کی چین لوٹ کرفرار ہو گئے۔

خاتون کی چیخ وپکار سن کر بھاگ رہے بدمعاش دلشاد کو راہگیروں نے دبوچ کر پولیس کے حوالے کردیا تھا جبکہ دو بدمعاش بھاگنے میں کامیاب ہوگئے۔

پکڑے گیے بدمعاش دلشاد کے پاس سے ایک غیر قانونی بندوق اور چوری کی ایک موٹرسائیکل برآمد ہوئی ہے۔

پولیس باقی کے دو بدمعاشوں کی سرگرمی سے تلاش کر رہی ہے-