بہرائچ: اے.ٹی.ایم سے دھوکہ دہی کرنے والے گرفتار

ضلع بہرائچ کے تھانہ قیصر گنج میں پنکج کمار ولد رام نریش نے پنجاب نیشنل بینک کے اے.ٹی.ایم سے لاکھوں روپیے نکالنے کی شکایت درج کرائی ہے۔

ریاست اترپردیش کے بہرائچ ضلع کے تھانہ قیصر گنج کے تحت پنکج کمار ابن رام نریش پنجاب نیشنل بینک کے اے.ٹی.ایم سے رقم نکالنے گئے تو وہاں پر موجود دو افراد نے دھوکہ سے اے.ٹی.ایم کی مشین میں کچھ رد وبدل کر دیا اور 31 دسمبر و یکم جنوری کو پنکج کے کھاتے سے ایک لاکھ 52 ہزار روپئے نکال لئے۔

متاثر شخص نے اس کی شکایت قیصر گنج پولیس کو دی۔ پولیس نے اے.ٹی.ایم کے سی.سی.ٹی.وی. فوٹیج اور سرویلانس کی مدد سے ملزم کی پہچان کر شاطر چوروں کو گرفتار کر لیا۔

پولیس کپتان بہرائچ نے بتایا کہ اے.ٹی.ایم سے روپیے نکالنے والے ملزم پون کمار سنگھ اور مونو کو گرفتار کر جیل بھیج دیا گیا ہے، دونوں ملزمین پر پہلے سے کئی مقدمات درج تھے۔