نوئیڈا: مسلسل بارش سے سڑکیں زیر آب

شہر نوئیڈا میں مسلسل بارش کے سبب شہر کے صدر کالونی، سوم بازار، سیکٹر 45 بابا گیری مندر کے اطراف و مختلف علاقوں میں بارش کا پانی جمع ہوگیا ہے۔

قومی دارالحکومت دہلی اور این سی آر میں رات سے مسلسل ہورہی بارش سے جہاں لوگوں کو گرمی سے راحت ملی وہیں نوئیڈا کے مختلف سیکٹرس کی سڑکوں اور گلیوں میں پانی جمع ہوگیا ہے۔

نکاسی آب نہ ہونے کی وجہ سے سڑکوں پر پانی جمع ہونے سے لوگوں کو دفاتر اور اپنے کاموں پر جانے کے لیے مشکلات کا سامنا کرنا پڑا۔ بارش کی وجہ سے ٹریفک نظام بھی متاثر رہا۔

نوئیڈا کے سیکٹر 62 کی سڑک کا یہ نظارہ ہے کہ سڑک کے دونوں طرف بارش کا پانی ٹھہرا ہوا ہے۔ نالے کی دیوار ٹوٹی ہوئی ہے جس سے بارش کے پانی کے ساتھ ساتھ نالے کا پانی بھی سڑکوں پر آگیا ہے۔

وہیں نوئیڈا کے صدر کالونی، سوم بازار، سیکٹر 45 بابا گیری مندر کے اطراف و مختلف علاقوں میں بارش کا پانی جمع ہوگیا ہے۔