ریاست اتر پردیش کے بارہ بنکی میں قومی روڈ سیفٹی پروگرام کے تحت مختلف پروگرامز کے ذریعہ عوام کو ٹریفک قوانین کے تئیں بیدار کیا جا رہا ہے۔
اسی ترتیب میں دوشنبے کو اسکولی طلباء نے ریلی اور شہر کے سب سے خاص پٹیل تراہے پر ہیلمیٹ نہ لگانے والوں کو گلاب دیا تاکہ ان میں ٹریفک قوانین پر عمل کرنے کا احساس پیدا ہو اور وہ آئندہ ہیلمیٹ پہن کر ہی گاڑی چلائیں۔
واضح رہے کہ بارہ بنکی میں 18 جنوری سے ایک ماہ کے قومی روڈ سیفٹی پروگرام کا آغاز ہوا تھا۔ اس پروگرام کے تحت عوام کو ٹریفک قوانین کے تئیں بیدار کرنے کے لئے روز مختلف قسم کے پروگرامز کا اہتمام کیا جا رہا ہے۔ اسی پروگرام کے تحت دوشنبے کو جی جی آئی سی کی طالبات اور عظیم الدین اشرف اسلامیہ انٹر کالج کے این سی سی طلبا نے جی آئی سی گراؤنڈ سے پٹیل تراہے تک ریلی نکالی۔
ریلی میں طلبا نے ہاتھوں میں تختیاں لے کر عوام کو ہیلمیٹ پہننے کے لئے بیدار کیا۔ بعد میں پٹیل تراہے پر ہیومین چین بنا کر بغیر ہیلمیٹ پہنے گاڑی چلانے والوں کو گلاب کا پھول دیا اور ان سے کہا کہ آپ نے ہیلمیٹ نہ پہن کر بہت اچھا کام کیا ہے۔ اس مہم میں اسکولی ٹیچرز بھی طلبا کے ساتھ پیش پیش رہیں۔