مرادآباد: بے قابو کار نے بائک سواروں کو ٹکر مار دی

مرادآباد میں تیز رفتار بے قابو کار نے سڑک کنارے کھڑے بائک سواروں کو ٹکر مار دی جس میں دو معصوم بچوں سمیت ایک نوجوان کی حالت نازک ہے۔

ریاست اترپردیش کے ضلع مرادآباد میں تھانہ مونڈھا پانڈے علاقہ کے دلپت پور، کرن پور روڈ پر اچانک ہوئے حادثے سے افراتفری مچ گئی۔ جب کرن پور روڈ کی طرف سے آرہی بے قابو ویگن آر نے بیرپُر تھانہ گںاؤ کے تین افراد کو ٹکر مار کر زخمی کر دیا۔ موقع پر پہنچی پولیس نے زخمیوں کو ایمبولینس سے ضلع اسپتال پہنچایا۔

پورا معاملہ اُس وقت کا ہے جب ویر پور تھانہ گںاؤ کے رہنے والے نبی احمد اپنی پُرانی چوٹ کا علاج کرانے اسپتال جارہے تھے۔ اس دوران وہ سڑک کے کنارے بائک روک کر کھڑے ہی تھے کہ اچانک پیچھے سے بے قابو تیز رفتار ویگن آر کار نے زوردار ٹکر مار دی، جس سے بائک پر بیٹھے تینوں افراد شدید طور پر زخمی ہو گئے۔

نبی احمد کے پیر میں کئی جگہ فیکچر آئے ہیں۔ نبی احمد پہلے ہی زخمی تھے اور اب ان کی حالت مزید خراب ہو گئی ہے۔

اس حادثے کے بعد کار ڈرائیور کو پولیس نے حراست میں لے لیا اور مزید جانچ پڑتال جاری ہے۔