بہرائچ: دو بسوں کی ٹکرمیں ایک کی موت، 18 زخمی

ریاست اترپردیش کے ضلع بہرائچ میں دو روڈ ویز بسوں میں شدید دھند کے باعث آپس میں ٹکرا گئی، بس میں سوار 18 افراد شدید طور پر زخمی اور ایک بس کے ڈرائیور کی موت ہو گئی ہے۔

بہرائچ نیپال گنج روڈ شاہراہ پر آج صبح شدید کہرے کی وجہ سے کافی دھند تھی، جس کے سبب محکمہ ٹرانسپورٹ کی دو روڈویز بسیں جو ایک دہلی سے دوسری روپیڈیہا سے آرہی تھی، آپس میں آمنے سامنے سے ٹکرا گئیں۔

جس سے اس میں سوار تقریباً 18 مسافر شدید زخمی ہوگئے اور ایک بس کے ڈرائیور کی موت ہو گئی ہے۔ زخمیوں میں ایک کی حالت کافی تشویشناک ہونے کے مدنظر لکھنؤ میڈیکل کالج روانہ کیا گیا ہے۔

پولیس کی اطلاع پر تمام زخمیوں کو قریبی اسپتال میں داخل کرایا گیا، جہاں ابتدائی علاج کے فوراً بعد انہیں بہرائچ میڈیکل کالج روانہ کر دیا۔