بدایوں: کہرے کی وجہ سے ٹرک حادثے کا شکار

اتر پردیش کے ضلع بدایوں میں سخت سردی کی وجہ سے سڑک حادثوں میں تیزی آئی ہے۔ بدایوں میں اہم راستوں پر کہرے کی وجہ سے اب تک کئی سڑک حادثات پیش آ چکے ہیں۔

بدایوں ضلع کے دوسرے علاقوں سے جوڑنے والے راستوں پر ان دنوں سڑک حادثات میں اضافہ ہوا ہے۔ اس کی سب سے بڑی وجہ سردی کے موسم میں زیادہ کہرہ ہے۔

ایسا ہی ایک سڑک حادثہ بدایوں سے ککرالہ کو جوڑنے والے اہم راستے پر ہوا۔ زیادہ کہرے کی وجہ سے ایک ٹرک نے آگے چل رہے دوسرے ٹرک کو ٹکر مار دی۔ حادثے میں کوئی جانی نقصان نہیں ہوا ہے۔ ٹکر مارنے والے ٹرک شدید نقصان پہنچا ہے جب کہ دوسرے ٹرک کے پچھلے حصے میں ٹوٹ پھوٹ ہوئی ہے۔

ٹرک مالک گڈو کہنا ہے کہ راستہ دکھائی نہیں دینے کی وجہ سے پتا نہیں چلا کہ کیسے ان کا ٹرک دوسرے ٹرک سے جا ٹکرایا۔

انہوں نے کہا کہ حادثے میں جان جاتے جاتے بچ گئی اور پولیس سے متعلق کاروائی مکمل کرا دی گئی ہے۔

ٹرک ڈرائیور سلیم نے بتایا کہ کسی کو زیادہ چوٹ نہیں آئی ہے لیکن کہرے کی وجہ سے آگے والی گاڑی دکھائی نہیں دی اور ٹرک پیچھے سے اس گاڑی سے ٹکرا گیا۔

اچھی بات یہ ہے کہ اس سڑک حادثہ میں کوئی جانی نقصان نہیں ہے۔ سردی کے اس موسم میں کہرے اور تیز سرد لہر کی وجہ سے سڑک حادثات میں اضافہ ہوا ہے۔