مظفرنگر میں چودھری اجیت سنگھ کے انتقال سے غم کا ماحول

سابق مرکزی وزیر اور راشٹریہ لوک دل کے قومی صدر چودھری اجیت سنگھ کا 86 برس کی عمر میں انتقال ہوگیا۔ انتقال کی خبر سنتے ہی مظفرنگر میں غم کا ماحول ہے۔ سبھی نے نم آنکھوں سے انہیں خراج عقیدت پیش کیا۔

راشٹریہ لوک دل کے صدر چودھری اجیت سنگھ 22 اپریل کو کورونا سے متاثر ہوئے تھے۔ اس کے بعد انہیں گروگرام کے میدانتا ہاسپٹل میں داخل کرایا گیا، جہاں پر ان کا علاج چل رہا تھا۔ ان کے انتقال کی خبر سنتے ہی مظفرنگر میں غم کی لہر دوڑ گئی۔

چودھری اجیت سنگھ ایک بڑے کسان رہنما تھے اور سابق وزیراعظم اور ملک کے بڑے کسان رہنما چودھری چرن سنگھ کے بیٹے تھے۔ وہ بھارتی سیاست کا ایک بہت بڑا چہرہ تھے اور راشٹریہ لوک دل کے قومی صدر بھی تھے۔

مظفر نگر کے راشٹریہ لوک دل کے دفتر پر راشٹریہ لوک دل کے کارکنان اور عہدے داروں نے نم آنکھوں سے چودھری اجیت سنگھ کو خراج عقیدت پیش کیا۔

مظفر نگر سےراشٹریہ لوک دل کے ضلع صدر اجیت راٹھی نے کہا کی یہ ملک کے لیے ایک بڑا نقصان ہے۔