کانپور: 10 ہزار روپے انعام دینے کا اعلان

اتر پردیش کے ضلع کانپور میں تبلیغی جماعت کے ان لوگوں کی جن کی رپورٹ مثبت آئی ہے اور وہ لاپتہ ہیں، کی معلومات دینے والے شخص کو 10 ہزار روپے انعام دینے کا اعلان پولیس کے آئی جی نے کیا ہے۔ آئی جی نے کہا کہ مخبر کا نام اور پتہ خفیہ رکھا جائے گا۔

ریاست اتر پردیش کے کانپور میں تبلیغی جماعت سے منسلک لوگوں کی معلومات حاصل کرنے کے لئے آئی جی نے جانکاری دینے والے افراد کو انعام دینے کا اعلان کیا ہے۔ اب ضلع کی پولیس ان لوگوں کی اطلاع دینے والوں کو 10 ہزار روپے کا انعام دے گی۔

آئی جی رینج موہت اگروال نے 10 ہزار کے انعام کا اعلان کیا ہے۔

انہوں نے کہا کہ پولیس کو معلومات دینے والے شخص کی رازداری کا بھی خاص خیال رکھے گی۔

واضح رہے کہ 'ضلع میں ہاٹ سپاٹ کی تعداد اب 13 سے 16 ہوگئی ہے۔ گزشتہ 24 گھنٹوں میں کورونا مثبت مریضوں کے 26 نئے کیسز درج ہوئے ہیں۔'