بلند شہر میں انعامی بدمعاش گرفتار

بلند شہر میں پولیس تصادم کے دوران فرار چل رہے ایک انعامی بدمعاش گولی لگنے کے بعد زخمی حالت میں گرفتار کیا گیا ہے۔

ریاست اترپردیش کے ضلع بلند شہر کے سیانا علاقے میں پولیس کے ساتھ ہوئی تصادم میں گینگسٹر ایکٹ میں مطلوب چل رہے 25 ہزار روپے کے انعامی بدمعاش شہنواز قریشی گولی لگنے کے بعد زخمی حالت میں گرفتار کیا گیا ہے۔

پولیس نے گرفتار زخمی ملزم کو علاج کے لیے ضلع ہسپتال میں داخل کرایا ہے، وہیں اس کے ساتھی ونود کو بھی پولیس نے گرفتار کیا ہے۔

ایس ایس پی سنتوش کمار سنگھ نے بتایا کہ سیانا تھانےکی پولیس منگل کی دیر رات سنبھاؤلی سرحد پر گاڑیوں کی چیکنگ کررہی تھی۔

اسی وقت مخبر سے موصول ان پٹ کی بنیاد پر پولیس نے بچپوری کی گھیرا بندی کرلی، پولیس کو دیکھ کر موٹر سائیکل سوار بدمعاش فرار ہونے لگا اور فائرنگ شروع کردی۔

اپنی دفاع میں پولیس نے بھی فائرنگ کی جس سے موٹر سائیکل سوار زخمی ہوگیا،جبکہ اس کا دوسرا ساتھی فائرنگ کرتے ہوئے فرار ہوگیا۔

پولیس نے زخمی شہنواز قریشی کو گرفتار کرلیا، اور اس کے خلاف پولیس نے گینگسٹر ایکٹ کے تحت کاروائی کی تھی۔

واضح رہے کہ اس کی گرفتاری پر 25 ہزار روپے کے انعام کا اعلان کیا گیا تھا، انہوں نے بتایا کہ موقع سے گرفتار شہنواز کے ساتھ ونود کمار کو بھی پولیس نے گرفتار کرلیا ہے۔