میرٹھ: یوم جمہوریہ کے موقع پر کئی مدارس میں پرچم کشائی

یوم جمہوریہ کے موقع پر آج میرٹھ کے مختلف اسکولز، کالج کے علاوہ دینی مدارس میں بھی پرچم کشائی کی گئی۔ اس موقع پر دینی مدارس میں جلسے کا بھی اہتمام کیا گیا۔

اتر پردیش کے میرٹھ میں آج یوم جمہوریہ کے موقع پر شہر کے مختلف جگہوں پر پرچم کشائی کی رسم ادا کی گئی۔ وہیں، میرٹھ کے دینی مدارس میں بھی اس کا خاص اہتمام کیا گیا، جس میں مختلف فرقوں سے تعلق رکھنے والے افراد کے علاوہ محکمہ پولیس کے اعلی افسران نے بھی شرکت کی۔

اس موقع پر اعلی افسران نے ملک کی سالمیت اور آئین کے تحفظ کے لیے آپسی اتحاد کو فروغ دینے کا پیغام دیا۔

میرٹھ: یوم جمہوریہ کے موقع پر کئی مدارس میں پرچم کشائی

وہیں، اس دن کی اہمیت کو دیکھتے ہوئے مدرسہ منتظمین کی جانب سے مجاہدین آزادی کے ناموں کی تختیاں لگا کر ان کی قربانیوں کو یاد کیا گیا۔ انہوں نے بتایا کہ مجاہدین آزادی کے ناموں کی نمائش کا مقصد بھی یہی ہے کہ نئی نسل ان کی قربانیوں کی اہمیت کو سمجھے۔