پولیس لائن میں منعقدہ تقریب میں مہمان خصوصی کی حیثیت سے شریک وزیر مملکت کپل دیو اگروال کا ڈی ایم سیلوا کماری جے کا ایس پی ابھیشیک یادو نے استقبال کیا۔
استقبالیہ کے بعد ، کپل دیو اگروال نے پرچم لہرایا۔ جس کے بعد قومی ترانہ پڑھا گیا اور قومی ترانے کے بعد ، بندوقوں سے سلامی پیش کی گئی اور آئین کا حلف لیا۔اس کے بعد کپل دیو اگروال نے کھلی جیپ میں سوار ہو کر پریڈ کا معائنہ کیا۔
مظفرنگر میں تزک و احتشام کے ساتھ یوم جمہوریہ منایا گیا یوم جمہوریہ پر مظفر نگر کے تمام اسکولوں میں پرچم لہرایا گیا اور ثقافتی پروگرامز کا انعقاد عمل میں آیا۔
واضح رہے کہ گذشتہ روز ملک بھر میں 71 واں یوم جمہوریہ منایا گیا۔ 26 جنوری کو قومی تعطیل رہتی ہے۔
بھارت کے آئین کو 26 جنوری 1950 کو صبح 10: 18 بجے نافذ کیا گیا تھا۔ آئین کے نافذ ہونے کے بعد ہمارا ملک بھارت ایک جمہوریہ بنا۔ اس کے 6 منٹ بعد بھارت کے پہلے صدر جمہوریہ راجیندر پرساد نے صبح 10.24 منٹ پر بھارت کے پہلے صدر کی حیثیت سے حلف لیا۔ اس دن ، بطور صدر پہلی بار ڈاکٹر راجندر پرساد راشٹرپتی بھون گھوڑے کی بگھی پر بیٹھ کر روانہ ہوئے۔
یہ وہ آئین ہے جو بھارت میں تمام ذات اور طبقوں کے لوگوں کو آپس میں جوڑتا ہے۔ بھارت کا آئین دنیا کا سب سے بڑا تحریری آئین ہے۔ یہ 2 سال ، 11 ماہ اور 18 دن میں تیار ہوا تھا۔
آئین کے نفاذ کے لیے 26 جنوری کا دن منتخب کیا گیا تھا۔
