ریاست اتر پردیش کے نوئیڈا میں مہانگر کانگریس کمیٹی کے چیئرمین شہاب الدین کی زیر صدارت ہندوستان کے پہلے وزیر تعلیم مولانا ابوالکلام آزاد کو ان کے یوم پیدائش پر یاد کیا گیا۔
اس موقع پر اقلیتی کانگریس کے ضلع صدر دانش سیفی اور اقلیتی کانگریس کے مہا نگر صدر محمد گڈو کی قیادت میں پارٹی دفتر سیکٹر 10 پر سیمینار کا انعقاد کیا گیا۔
اس موقع پر مولانا ابوالکلام کا ذکر کرتے ہوئے محمد شہاب الدین نے کہا کہ 'انہوں نے اپنی صلاحیتوں کی بدولت ایسا عمل شروع کیا جس کا مقصد تعمیر و اصلاح تھا۔ اس مقصد کے تحت انہوں نے قوم کو تعلیم کے حصول کے لئے تیار کیا۔'
انہوں نے کہا کہ 'تعلیم ہی لوگوں میں زبردست تبدیلی کا سبب بن سکتی ہے اور قوم کو ترقی کی طرف لے جاسکتی ہے۔'
اس موقع پر مہا نگر اقلیتی کانگریس کے صدر محمد گڈو، آل انڈیا کانگریس ممبر دنیش اوانا، ضلع صدر یوتھ کانگریس کے پرشوتم ناگر، ضلع صدر کسان کانگریس گوتم اوانا سمیت متعدد لوگ موجود تھے۔