Recruitment Drive at AMU اے ایم یو میں 13 نومبر کو ’سیراب‘ بھرتی میلہ

بیس سے زائد ملٹی نیشنل کارپوریشن کمپنیاں اور ادارے 13 نومبر کو علی گڑھ مسلم یو نیورسٹی (اے ایم یو) کے مختلف کورسز کے طلباء کو ملازمت فراہم کرنے کے لئے ان کا انٹرویو کریں گے۔ Aligarh Muslim University Recruitment Drive

علی گڑھ:علیگڑھ مسلم یونیورسٹی (اے ایم یو) میں تعلیم و تربیت کے ساتھ طلباء و طالبات کو ملازمت فراہم کرنے کے بھی مواقع فراہم کئے جاتے ہیں۔ یونیورسٹی میں زیر تعلیم سال آخر کے طلباء اور طالبات کو اپنے اداروں میں ملازمت کے مواقع فراہم کرنے، ان کا انٹرویو کرنے کے لئے کئی کمپنیز خود یونیورسٹی 13 نومبر آئیں گیں۔ سیراب کے عنوان سے اس بھرتی میلہ کا اہتمام انٹرنل کوالٹی ایشورنس سیل (آئی کیو اے سی) اور ٹرینگ اینڈ پلیسمنٹ آفس (جنرل) کے اشتراک سے کیا جا رہا ہے۔ Recruitment Drive at Aligarh Muslim University

پروفیسر اسد اللہ خاں (پروگرام کنوینر اور ڈائریکٹر، آئی کیو اے سی) نے بتایا کہ ملازمت کے خواہشمند مختلف کورسز کے طلباء و طالبات ویب لنک: ‘https://forms.gle/YarLNbNytWnRpdvo7’,پر اپنا رجسٹریشن کر سکتے ہیں۔ اسد اللہ نے مزید کہا کہ اس طرح کے مواقع تقرری کے علاوہ طلباء کو تجربہ بھی فراہم کرتے ہیں۔ اس کے علاوہ یونیورسٹی کی مجموعی درجہ بندی کو بہتر بنانے میں بھی مدد ملتی ہے۔

یونیورسٹی کے ٹرینگ اور پلیسمنٹ آفیسر سعد حمید نے کہا کہ بہت سی کمپنیاں اور پیشہ ور ادارے اس پروگرام میں آرہے ہیں۔ یہ بھرتی میلہ ہماری مسلسل کوششوں کا حصہ ہے تاکہ یونیورسٹی - انڈسٹری کے روابط کو مستحکم کیا جا سکے۔ ڈاکٹر جہانگیر عالم ( آرگنائزنگ سیکریٹری) اور ڈاکٹر مزمل مشتاق (معاون کنوینر) نے کہا کہ ’’بھرتی میلہ آجروں کی طرف سے طلباء کو مواقع فراہم کرے گا اور ان کے تجربات میں اضافہ ہوگا۔‘‘