کانگریس پارٹی کے سابق رکن پارلیمان راجیش مشرا نے ای ٹی وی بھارت سے بات کرتے ہوئے ریاستی حکومت پر سخت نکتہ چینی کی۔
سابق رکن پارلیمان راجیش مشرا نے کہا کہ کانپور کے سرکاری شیلٹر ہوم میں 57 لڑکیوں کی کورونا مثبت کی تصدیق ہوئی ہے دو لڑکیاں حاملہ ہیں جبکہ ایک لڑکی کو ایچ آئی وی پوزیٹو ہے۔ اس معاملے سے نہ صرف حکومت کی ناکامیاں سامنے آئی ہے بلکہ لڑکیوں کے تحفظ پر بھی ایک بڑا سوالیہ نشان قائم ہوا ہے۔
انہوں نے کہا کہ اتر پردیش حکومت خواتین اور لڑکیوں کے تحفظ کے سلسلے میں غیر سنجیدہ ہے۔ برسرِ اقتدار پارٹی کو نہ ہی سرکار چلانے کا کوئی طریقہ کار معلوم ہے اور نہ ہی اپنی ذمہ داریوں کو مثبت طریقے سے انجام دینے کا سلیقہ ہے۔ انہوں نے وزیر اعلی یوگی ادتیہ ناتھ پر سخت تنقید کرتے ہوئے کہا کہ کہ وزیر اعلیٰ کے عہدے سے استعفی دینا چاہیے۔
انہوں نے مزید کہا کہ جو جو پارٹی بیٹی بچاؤ بیٹی پڑھاؤ کا نعرہ دے کر کے اقتدار میں آئی تھی اب اسی پارٹی کے دور اقتدار میں بچیوں کے ساتھ شدید گھناونا کام جاری ہے۔ شیلٹرہوم کے معاملے کے انکشاف کے بعد ریاستی حکومت کی ناکامی ثابت ہوگئی ہے۔