Farm Laws Repealed: کسانوں کو خالصتانی کہنے والوں سے معافی مانگنے کا مطالبہ

نوئیڈا کے کسان رہنما پرویندر یادو نے کہا کہ 'وزیراعظم کا بیان گلے سے نیچے نہیں اتر رہا ہے۔ اس بات کا خدشہ ہے کہ کہیں بعد میں یہ انتخابی جملہ نہ نکلے۔'

وزیر اعظم نریندر مودی کے ذریعے تینوں زرعی قوانین (Farm Laws) کی واپسی پر نوئیڈا کے کسان رہنماؤں نے کہا کہ 'ہم وزیر اعظم کے اس فیصلے کا خیر مقدم کرتے ہیں کہ انہوں نے گرونانک جینتی کے موقع پر کسانون کو سوغات دی۔

اسی کے ساتھ انہوں نے مطالبہ کیا کہ 'کسانوں کو خالصتانی اور پاکستانی بتانے والے لوگوں کو کو میڈیا کے سامنے آکر کسانوں اور تحریک میں شامل لوگوں سے معافی مانگنی چاہیے۔'

انہوں نے اس وزیر اعظم کے بیان پر اپنے خدشات کا اظہار کرتے ہوئے کہا کہ ان کے بیان بھروسہ نہیں ہو رہا ہے، وہ چاہتے ہیں کہ اس کو جلد قانونی شکل دی جائے۔'

پرویندر یادو نے کہا کہ 'وزیراعظم کا بیان گلے سے نیچے نہیں اتر رہا ہے کہ کہیں بعد میں یہ نہ کہہ دیا جائے کہ یہ تو انتخابی جملہ تھا۔'

انہوں نے وزیر داخلہ امت شاہ کے اس بیان کا ذکر کیا جس میں 15-15 لاکھ روپے دینے کے اعلان کو انتخابی جملہ قرار دیا تھا۔ کہیں ایسا نہ ہو کہ وزیر اعظم کا بیان بھی انتخابی جملے تک محدود رہ جائے۔

پرویندر یادو نے کہا کہ 'جب تک کسانوں کی وزیراعظم اور وزیر زراعت سے میٹنگ نہ ہو جائے اور تحریری معاہدہ نہ ہو جائے اور جب تک ایم ایس پی پر گارنٹی نہیں مل جائے تب تک کچھ بھی کہنا قبل از وقت ہوگا۔'