بارہ بنکی : نئے زرعی قوانین کے خلاف انوکھا احتجاج

ریاست اتر پردیش کے ضلع بارہ بنکی میں زرعی قوانین کے خلاف راشٹروادی کسان کرانتی دل کے کارکنان نے انوکھے طریقے سے احتجاج کیا۔

راشٹروادی کسان کرانتی دل کے 11 کارکنان نے زرعی قوانین کو واپس لینے کا مطالبہ کرتے ہوئے اپنا سر منڈوایا ہے۔

پارٹی کارکنان نے انتباہ کیا ہے کہ اگر یہ قوانین واپس نہیں لئے گئے تو وہ بڑے پیمانے پر احتجاج کرنے پر مجبور ہو جائیں گے۔

واضح ہو کہ ہندو مذہب میں سر زیادہ تر غم کے موقع پر ہی منڈوایا جاتا ہے۔

راشتروادی کسان کرانتی دل کے ریاستی صدر رام جی تیواری نے کہا کہ زرعی قوانین کے نافذ ہونے سے فضا ناخوشگوار ہوگئی ہے۔

اس لیے وہ یہاں 11 برہمنوں کا سر منڈوا کر یہ پیغام دینے چاہتے ہیں کہ ان قوانین کے خلاف اب ملک کا دانشوران قومیں بھی بیدار ہو گئی ہیں۔

اس لیے ہم سب ملک کے کسان اور اپنی زمینوں کو محفوظ رکھنے کے لئے پیچھے ہٹنے والے نہیں ہیں۔

سر منڈوانے سے قبل پارٹی کارکنان نے ان قوانین اور حکومت کے خلاف مزید نعرےبازی کی۔

یہ تمام کارکنان جلوس کی شکل میں کلکٹریٹ پہنچ کر اپنے مطالبات کا میمورنڈم بھیج دیا ہے۔

اس دوران پارٹی کے قومی صدر امریش مشرا نے موبائل سے اپنے کارکنان کو خطاب بھی کیا۔