ریپ متاثرہ کو جلانے کی کوشش

بھارت میں جنسی زیادتی کے واقعات میں کوئی کمی نہیں آرہی ہے بلکہ دن بہ دن اضافہ ہوتا جارہا ہے۔

ریاست اتر پردیش کے ضلع اناؤ میں ایک ایسا واقعہ پیش آیا جہاں انسانیت کا قتل کرنے کا ثبوت ملا ہے۔ 2018 میں جنسی زیادتی کا شکار بنی ہوئی خاتون کو ضمانت پر رہا ملزم نے جلانے کی کوشش کی۔ جس کے بعد پولیس نے کارروائی کرتے ہوئے سبھی پانچ ملزمین کو گرفتار کرلیا ہے۔

متاثرہ خاتون نے اناؤ میں اپنے آبائی گاؤں کے دو افراد کے خلاف رپورٹ درج کی تھی ، جس میں انھوں نے اس پر عصمت دری کرنے کا الزام لگایا تھا۔ مبینہ طور پر مقامی عدالت کی مداخلت کے بعد پڑوس کے ضلع رائے بریلی ضلع میں یہ ایف آئی آر درج کی گئی تھی۔

کاروائی کے بعد ایک ملزم کو پولیس نے گرفتار کیا تھا لیکن وہ ضمانت حاصل کرنے میں کامیاب ہوگیا تھا۔