رامپور: اردو کالونی میں آبی صورتحال تشویشناک

رامپور میں اردو گیٹ کے نزدیک واقع اردو کالونی میں سیلاب نے خطرناک رخ اختیار کرلیا ہے، ساتھ ہی انتظامیہ کی لاپرواہی کی وجہ سے درجنوں خاندان سیلاب کی زد میں ہیں۔

اترپردیش کے ضلع رامپور میں واقع اردو کالونی میں سیلاب آنے کے باعث صورتحال نے کافی خطرناک رخ اختیار کرلی ہے۔

اطلاعات کے مطابق رامپور میں اردو گیٹ کے نزدیک واقع اردو کالونی میں سیلاب کی وجہ سے آبی صورتحال نے خطرناک رخ اختیار کرلیا ہے، جس کی وجہ سے درجنوں خاندان گھروں میں پھنسے ہوئے ہیں۔ مقامی لوگوں کے مطابق انتظامیہ کی لاپرواہی سے مشکلات میں اضافہ ہوگیا ہے۔

واضح رہے کہ اتراکھنڈ کے پہاڑی علاقوں میں مسلسل ہورہی بارش سے رامپور کی نئی آباد اردو کالونی سیلاب کی زد میں آگئی ہے۔ یہ اردو کالونی دریائے کوسی کے کافی نزدیک ہے۔ اس وجہ سے یہ کالونی سیلاب سے متاثر ہوگئی ہے۔