رامپور: حضورﷺ کے اسوہ کو عام کرنے کی ضرورت

اتراکھنڈ حج کمیٹی کے سابق چیئرمین مولانا زاہد رضا نوری نے سیرتِ مصطفےﷺ کے موضوع خطاب کرتے ہوئے کہا کہ اللہ تعالی نے قرآن مجید میں یہ ارشاد فرمایا ہے کہ ہم نے محمدﷺ رحمت اللعلمین بناکر بھیجا ہے۔

ریاست اترپردیش کے شہر رامپور کے شاہ بیگم میرج ہال میں آل انڈیا مسلم فیڈریشن کی جانب سے سیرت النبی صلی اللہ علیہ وسلم کی تعلیمات کو عام کرنے کے لئے جلسہ سیرت النبیﷺ کا اہتمام کیا گیا۔ اس تقریب میں اتراکھنڈ اسٹیٹ حج کمیٹی کے سابق چیئرمین مولانا زاہد رضا نوری نے سیرت النبی کے موضوع پر خطاب کیا۔

مولانا زاہد رضا نوری نے اپنے خطاب میں کہا کہ اللہ تعالی نے قرآن مجید میں ارشاد فرمایا کہ ہم نے محمدﷺ کو رحمت اللعلمین بناکر بھیجا ہے۔

انہوں نے کہا کہ امت مسلمہ کی ذمہ داری ہے کہ وہ سیرت کے پیغام کو عام کریں۔

انہوں نے مزید کہا کہ بڑے افسوس کی بات ہے کہ مسلمانوں نے آج اپنے اس فرض منصبی کو بھلا دیا ہے اور دین سے ہٹ کر غیروں کے طریقوں کو اپنانے میں اپنی شان سمجھ رہے ہیں۔

مزید پڑھیں:

جلسہ سیرت النبی کے موقع پر نعت خوانی کی محفل بھی آراستہ کی گئی۔ آل انڈیا مسلم فیڈریشن کے قومی صدر بابر خاں کے شکریہ کے ساتھ جلسہ کا اختتام ہوا۔