رامپور میں دو فرقوں کے درمیان منافرت پھیلانے کی کوشش

ریاست اترپردیش کے رامپور کے تھانہ سول لائن میں بین الاقوامی فون کال کے ذریعہ دو فرقوں کے درمیان نفرت پھیلانے کی کوشش کی گئی جس کے بعد پولیس فوری طور پر حرکت میں آگئی۔

اطلاعات کے مطابق نامعلوم افراد کے خلاف انٹرنیشنل فون کال کے ذریعہ دو فرقوں میں منفرت پھیلانے کے الزام میں مقدمہ درج کیا گیا اور فون نمبر کو سرویلنس رکھا گیا ہے۔

پولیس نے بتایا کہ اس سلسلہ میں تحقیقات کی جارہی ہے جبکہ ابھی تک کوئی سراغ ہاتھ نہیں لگا ہے۔

رامپور کے سول لائن تھانہ علاقہ میں ایک نامعلوم بین الاقوامی فون نمبر سے ایک کال موصول ہوا جبکہ اس کے ذریعہ دو فرقوں کے درمیان منافرت پھیلانے کی کوشش کی گئی۔ جب کالر کا نام پوچھا گیا تو کال کو کاٹ دیا گیا۔

اڈیشنل سپرنٹنڈنٹ آف پولیس رامپور ارون کمار سنگھ نے کہا کہ فون نمبر کو سرویلنس پر رکھا گیا ہے اور مسلسل نگرانی کی جارہی ہے۔

انہوں نے کہا کہ بہت جلد ملزم گرفتار کیا جائے گا جبکہ انہوں نے اس بات کا بھی خدشہ طاہر کیا کہ کسی مقامی شخص کی جانب سے ہی بین الاقوامی نمبر کا استعمال کرتے ہوئے ایسی حرکت کی جارہی ہے۔

اس سلسلہ میں تھانہ سول لائن رامپور میں مقدمہ نمبر 237/20 مختلف دفعات 153 بی (سی)، 505 (1) (بی)، 505 (1) (سی)، 505 (2)، اور 66 آئی ٹی ایکٹ کے تحت مقدمہ دائر کر لیا گیا ہے۔