کانگریس کی جانب سے کئے گئے احتجاج کے موقع پر سوشل ڈسٹینسنگ کو ملحوظ رکھتے ہوئے پیٹرول اور ڈیزل کی بڑھتی قیمتوں کو واپس لینے کا مطالبہ کیا گیا۔
رامپور کے گاندھی سمادھی پر ضلع کانگریس کمیٹی کے عہدیدار اور کارکنان جمع ہوئے اور ملک میں مسلسل پیٹرول اور ڈیزل کی قیمتوں میں اضافے کو لے کر احتجاجی مظاہرہ کیا۔
سوشل ڈسٹینسنگ کو ملحوظ رکھتے ہوئے تمام ہی مظاہرین ماسک لگائے ہوئے تھے جبکہ ان کے ہاتھوں میں پلے کارڈز تھے جن پر 'پیٹرول اور ڈیزل کی بڑھتی قیمتیں واپس لو، مرکزی سرکار ہائے ہائے اور عام آدمی کو لوٹنا بند کرو، جیسے نعرے آویزاں تھے۔
اس موقع پر کانگریس کے شہر صدر مامون شاہ خاں نے کہا کہ 'ہمارا یہ احتجاج مرکزی حکومت کے خلاف ہے جو غریبوں کا بالکل بھی خیال نہیں رکھ رہی ہے جبکہ مہنگائی آسمان چھو رہی ہے اور پیٹرول اور ڈیزل کی قیمتوں میں مسلسل اضافہ کیا جا رہا ہے۔