عوام میں صفائی بیداری کے لیے سائیکل ریلی

ریاست اترپردیش کے شہر رامپور میں آج سوچھ بھارت مشن کا پیغام دینے کے لیے ایک سائیکل ریلی کا اہتمام کیا گیا۔ اس موقع پر ضلع کے تمام اعلی افسران موجود رہے۔

ریلی کا آغاز الہ آباد سے کیا گیا اور اس کے بعد یہ ریلی بریلی کے راستے رامپور پہنچی اور دہلی میں اس کا اختتام ہوگا۔

وزیر اعظم نریندر مودی کے ذریعہ شروع کیے گئے سوچھ بھارت مشن کے تحت یہ سائیکل ریلی بریلی ہوتی ہوئی رامپور پہنچی جو مغربی اترپردیش کے تمام ہی بڑے اضلاع سے گزرتی ہوئی دہلی پہنچے گی۔

اس ریلی میں بڑی تعداد میں این سی سی کیڈیٹ کے طلباء و طالبات نے حصہ لیا۔ایک طالبہ نے ای ٹی وی بھارت سے بات کرتے ہوئے اپنی ریاستی حکومت کو بھی صفائی ستھرائی کے لیے نصیحت کی۔

واضح رہے اس ریلی کا مقصد عوام میں صفائی کے تئیں بیداری پیدا کرنا ہے۔ اسی وجہ سے ریلی میں شامل این سی سی کیڈیٹ کے تمام لوگ اپنے ہاتھوں میں صفائی ستھرائی سے متعلق پلے کارڈس لیے ہوئے تھے۔