بارش سے کسانوں کے چہرے کِھل اٹھے

ریاست اترپردیش کے بارہ بنکی شہر میں ان دنوں مسلسل بارش ہو رہی ہے جس کی وجہ سےکسانوں کو خوب فائدہ ہو رہا ہے۔

بارش سے کھیتوں میں پانی لبالب بھرا ہوا ہے اور کسان دھان بونے میں مصروف ہیں۔ کسانوں کو امید ہے کہ اگر بارش ایسے ہی ہوتی رہی تو اس برس دھان کی فصل بہتر ہوگی۔

بارہ بنکی میں جون کے مہینے میں 98 فیصد سے زیادہ بارش ریکارڈ کی گئی ہے اور جولائی کے 9 روز میں بھی بارش اچھی ہو رہی ہے۔ مسلسل بارش کسانوں کے لیے تحفہ ثابت ہو رہی ہے۔ بارش سے کھیت بھر گئے ہیں اور کسان دھان لگانے میں جٹ گئے ہیں۔

بارش کی وجہ سے کسانوں کے خرچ میں کمی آئی ہے اور اس سے سینچائی کی لاگت نہیں آ رہی ہے حالانکہ کچھ ایسے کسان بھی ہیں جن کے کھیت تیار نہیں ہو پائے تھے انہیں اب کھیت بنانے میں پریشانی ہے، لیکن وہ بھی بارش کو مفید مان رہے ہیں۔

دوسری جانب محکمہ موسمیات نے پیشن گوئی کی ہے کہ اب تک جس طرح کی بارش ہوئی ہے اس سے آگے بھی اسی طرح کی بارش ہونے کی امید ہے۔ جس کے مدنظر ماہرین کسانوں کو مشورہ دے رہیں کہ وہ وقت پر دھان کی فصل لگا لیں۔