ریلوے 20 ڈبے کا آئیسولیشن وارڈ تیار کررہا ہے

کورونا وائرس سے متاثر مریضوں کی جیسے جیسے تعداد میں اضافہ ہورہا ہے ویسے بھارتی ہسپتال میں طبی سہولیات کو لیکر حکومت پر سخت تنقید کی جارہی ہے، وہیں محکمہ ریل نے بھارتی ریاست اتر پردیش کے ضلع وارانسی کے مڑواڈیہہ ریلوے اسٹیشن پر ٹرین کے 20 ڈبے کو آئسولیشن وارڈ میں تبدیل کررہا ہے۔

بھارتی ریلوے نے بنارس کے مڑواڈیہہ ریلوے اسٹیشن پر 20 کوچ کو آئیسولیشن وارڈ بنانے کا حکم نامہ جاری کیا ہے، اب تک دو ڈبے آئیسولیشن میں تبدیل کیے جا چکے ہیں جس میں طبی سہولیات کے سارے سامان نصب کر دیئے گئے ہیں۔

آئیسولیشن وارڈ میں غسل خانہ، بیت الخلاء پلاسٹک کا پردہ صحت طبی سہولیات کی نقطہ نظر سے سبھی سہولت فراہم کئے گئے ہیں۔

ٹرین کے ڈبے کو آئیسولیشن میں تبدیل کرنے والے چندن کمار نے ای ٹی وی بھارت سے بات کرتے ہوئے کہا کہ دو کوچ کو تین سے چار دن میں آئسولیشن وارڈ میں تبدیل کر دیا جائے گا۔

ٹرین میں آئیسولیشن وارڈ

انہوں نے بتایا کہ مریضوں کی زیادتی کے باعث ایسا کیا جا رہا ہے۔ اگر کورونا وائرس سے متاثر مریضوں کی تعداد میں اضافہ ہوگا تو ٹرین کے کوچ کے آئسولیشن وارڈ میں انہیں داخل کیا جائے گا۔