راہل گاندھی کا نصیب پٹھان کو خراج تحسین

ریاست اترپردیش سے کانگریس کے رہنما اور سابق ودھان پریشد کے رکن نصیب پٹھان کا کورونا کی وجہ سے انتقال ہو گیا۔

کانگریس کے سابق صدر اور رکن پارلیمان راہل گاندھی نے ٹویٹ کیا کہ 'اترپردیش سے کانگریس کے رہنما سابق ودھان پریشد کے رکن اور سی ایل پی صدر نصیب پٹھان صاحب کی کورونا کی وجہ سے موت ہو گئی۔'

راہل گاندھی نے نصیب پٹھان کا ایک ویڈیو اپنے ٹویٹر ہینڈل پر شیئر کرتے ہوئے لکھا کہ 'جاتے جاتے نصیب صاحب نے ایک انتہائی اہم پیغام دیا ہے۔ اسے آپ کے ساتھ شیئر کرتے ہوئے انہیں دل سے خراج تحسین۔'