ان تمام چیزوں کی تعمیرات کے لئے ایک ٹرسٹ کا بھی اعلان کیا گیا ہے۔
مسجد کے ساتھ ساتھ لوگوں سے ہر چیز کی تعمیر کے لئے مالی تعاون بھی لیا جائے گا ۔
اس کے لئے ٹرسٹ کا اکاؤنٹ بھی عام کردیا گیا ہے۔
ممتاز مورخ پشپیش پنت کو ایودھیا مسجد کے کنسلٹنٹ کیوریٹر مقرر کیا گیا ہے۔
ٹرسٹ کے سکریٹری اطہر حسین نے اس تعلق سے بتایا کہ لوگوں کو ہند اسلامی ثقافت کی طرف واپس لانے کے لئے انڈو اسلامک کلچرل ریسرچ سنٹر کے ساتھ مسجد، ہسپتال، کمیونٹی کچن اور میوزیم تعمیر کیا جائے گا۔
اطہر حسین نے بتایا کہ معروف مورخ پشپیش پنت کو میوزیم کا سربراہ بنایا گیا ہے۔
پدمشری اعزاز یافتہ پشپیش پینت ایک عظیم مورخ ہونے کے ساتھ ساتھ جواہر لعل یونیورسٹی، دہلی سے ریٹائرڈ پروفیسر ہیں۔
یہ میوزیم مسجد کے احاطے میں تعمیر کیا جائے گا جو کہ ہند اسلامک ریسرچ سنٹر کا حصہ ہوگا۔
انڈو اسلامک کلچرل فاؤنڈیشن کے ترجمان اطہر حسین نے کہا کہ پانچ ایکڑ زمین پر گنگا - جمنی تہذیب کی عکاسی کی جائے گی۔
میوزیم کے اندر اودھ کی ثقافت اور اردو خطاطی کے بہترین نمونے رکھے جائیں گے۔
یہ بھی پڑھیے:ایودھیا میں مسجد کی تعمیر، پروفیسر ایس ایم اختر کنسلٹنٹ آرکیٹکٹ مقرر
اس کے علاوہ یہاں رومی دروازہ، امام باڑہ، مقبرہ، مندر وغیرہ کے ماڈل بھی یہاں دیکھے جا سکیں گے۔
ان عمارتوں کی تعمیر کا ڈیزائن تیار کرنے کے لیے جامعہ ملیہ اسلامیہ کے شعبہ آرکیٹیک کے سربراہ پروفیسر ایس ایم اختر کو ذمہ داری سونپی گئی ہے۔
