ریاست اترپردیش کے ضلع میرٹھ میں بابری مسجد کے تمام ملزمین کو سی بی آئی کی خصوصی عدالت نے بے قصور قرار دیے جانے کے بعد اب میرٹھ میں بھی مختلف شعبوں سے تعلق رکھنے والے افراد کے تاثرات بھی سامنے آرہے ہیں۔
ان کا کہنا ہے کہ بھارت کی تاریخ میں آج کے دن کو کالے دن کے طور پر دیکھا جائے گا۔ ان کا مزید کہنا ہے کہ جس طرح آج سی بی آئی کی خصوصی عدالت نے تمام ملزمین کو بے قصور قرار دیا ہے اس سے عوام کا عدلیہ سے اعتماد کم ہوا ہے۔
بابری مسجد منہدم کے 28 برس بعد تمام ملزمین کو بری کیے جانے پر جہاں ملزمین میں خوشی دیکھی جا سکتی ہے۔ وہیں، اب عدالت کے اس فیصلے سے عوام میں بھارت کی عدلیہ میں اعتماد بھی کم دیکھا جا رہا ہے۔ ایسے میں ضرورت عدلیہ کو اپنا وجود برقرار رکھنے کی ہے۔