Heavy Rains in Lucknow یوپی میں موسلادھار بارش کی وجہ سے عوامی زندگی متاثر، لکھنؤ سمیت کئی اضلاع بارش کی زد میں

لکھنؤ میں آج تیز بارش ہونے کی وجہ سے سبھی تعلیمی اداروں میں تعطیل کا اعلان کیا گیا ہے۔ کیوں کہ گزشتہ چوبیس گھنٹوں کے دوران یہاں مسلسل بارش ہو رہی ہے۔ District Administration Lucknow Zone Commissioner Roshan Jacob

لکھنؤ:اتر پردیش کے کئی اضلاع میں گزشتہ 24 گھنٹے سے مسلسل بارش ہو رہی ہے۔ جس کی وجہ سے کئی شہروں میں روز مرہ کی زندگی متاثر ہوئی ہے۔ لکھنؤ سمیت بارہ بنکی سیتاپور، گونڈا، بہرائچ، شراوستی ہردوئی، ایودھیا، امبیڈکر نگر، سنبھل، مراد آباد سمیت 37 اضلاع میں شدید بارش اور آسمانی بجلی گرنے کا انتباہ دیا گیا ہے۔ محکمۂ موسمیات نے آئندہ ایک ہفتہ اسی طرح موسم رہنے کی پیش گوئی کی ہے۔ لکھنؤ میں آج تیز بارش ہونے کی وجہ سے سبھی تعلیمی اداروں میں تعطیل کا اعلان کیا گیا ہے۔ وہیں وزیر اعلیٰ نے افسران کے ساتھ میٹنگ کرکے راحت رسانی کے لیے سخت ہدایات دیے ہیں۔ دارالحکومت لکھنؤ میں گزشتہ 14 گھنٹے سے شدید بارش ہو رہی ہے جس کی وجہ سے سڑکوں اور عوامی گزر گاہوں پر 2 سے 3 فٹ بلندی تک پانی جمع ہو چکا ہے۔ عوام کو آنے جانے میں شدید مشکلات کا سامنا ہے۔ کئی پاش کالونیوں میں پانی جمع ہوا ہے۔ وہیں رہائشیوں کے گھروں میں بھی پانی بھر گیا۔

تیز بارش ہونے کی وجہ سے سبھی تعلیمی اداروں میں تعطیل کا اعلان کیا گیا ہے

لکھنؤ مونسپل کارپوریشن اور ضلع انتظامیہ لکھنؤ زون کے کمشنر روشن جیکب نے سبھی حساس مقامات کا دورہ کیا اور یقین دہانی کرائی ہے کہ آئندہ کچھ گھنٹوں میں پانی جمع ہونے کی مشکلات کو دور کر دیا جائے گا وہیں لکھنؤ کے امبیڈکر پارک میں آسمانی بجلی گرنے سے ایک ہاتھی کی مورتی کو نقصان پہنچا ہے لکھنؤ کے گوسائی گنج میں ایک اینٹ کے بھٹے کے چمنی پر آسمانی بجلی گرنے کی اطلاع ہے۔ اس کے علاوہ بہرائچ میں بھی آسمانی بجلی گری ہے تاہم کسی بھی جانی نقصان کی اطلاع بھی سامنے نہیں آئی ہے۔ ان

محکمۂ موسمیات نے ریاست کے کئی اضلاع کو شدید بارش اور بجلی گرنے کے حوالے سے اگاہ کیا ہے اور سبھی کو کہا ہے کہ بغیر ضرورت کے گھر سے باہر نہ نکلیں آسمانی بجلی گرنے کی کا پورا امکان ہے لکھنؤ شہر کے نچلے علاقوں پانی جمع ہونے کی پریشانیاں برقرار ہیں لوگوں کے گھروں میں پانی بھر چکا ہے جس کی وجہ سے عوام شدید مشکلات کا سامنا کر رہی ہے لکھنؤ کے بوکھنڈی علاقے میں بالو اڈہ کے ملحق سڑک بھی دھنس چکی ہے۔ وہیں امبیڈکر پارک میں بھی سڑک دھنس گئی ہے اس کے علاوہ بھی کئی مقامات پر سڑک دھنسنے کی اطلاع ہے۔ لکھنؤ ضلع انتظامیہ نے راحت رسانی کے لیے ہلپ لائن نمبر جاری ہے جس پر عوام اپنی مشکلات کو انتظامیہ کو اطلاع کرسکتے ہیں۔