6 Devotees killed By Electric wire مہلوک کانوڑیوں کو معاوضہ دلانے کا تیقن: ڈی ایم

میرٹھ میں شیو بھگتوں کی کانوڑ بجلی کے لائن سے ٹکرانے کی وجہ سے چھ کانوڑی حادثہ کا شکار ہو گئے۔ جس کے بعد ان کی موت واقع ہوگئی۔ ڈی ایم نے مہلوکین کے رشتہ داروں کو معاوضہ دلانے کا تیقن دلایا۔

اترپردیش کے ضلع میرٹھ میں تھانہ بھاون پور کے رالی چوہان گاؤں میں گزشتہ روز شیو بھگتوں کی کانوڑ بجلی کے لائن سے ٹکرانے کے بعد پیش آئے حادثے میں 06 کانوڑیوں کی موت ہو گئی اور تقریبا 08 شیو بھگت شدید زخمی ہو گئے تھے۔ اس حادثے کا ذمہ دار محکمہ بجلی کے افسران کو بتایا جا رہا تھا۔ اس کے بعد محکمہ بجلی کی جانب سےجانچ میں حادثے کی وجہ ہائی ٹینشن کے تار نہیں بلکہ اس حادثے کی سب سے بڑی وجہ کانوڑ کی اونچائی 22 فٹ بتائی جا رہی ہے،گاؤں والوں نے میرٹھ قلعہ روڈ کو جام کر کے متاثرین کو واجب معاوضہ دیے جانے کا مطالبہ کیا۔

آج دو پہر بعد پولیس اور انتظامیہ کے افسران کی کوششوں سے جام کو کھولاگیا۔ اس دوران میرٹھ ڈی ایم نے حادثے کے شکار تمام متاثرین کو حکومت اور محکمہ بجلی کی جانب سے واجب معاوضہ دلانے کی تیقن دلایا۔ وہیں دوسری جانب محکمہ بجلی کی طرف سے حادثے کی جانچ میں پاور کارپوریشن کی ایم ڈی نے حادثے کا ذمہ دار طے پیمانے سے اونچی کانوڑ کو بتایا۔

پاور ایم ڈی کے مطابق کانوڑ یاترا سے قبل حکومت اور مختلف محکموں کے افسران کے دوران ہوئی میٹنگ میں طے پایا تھا، کہ کسی بھی کانوڑ کی اونچائی 12 فٹ سے زیادہ نہیں ہونی چاہیے، جبکہ حادثے کی شکار کانوڑ پر لگے ڈی جے کی ہائٹ 22 فٹ پائی گئی جس کی وجہ سے یہ حادثہ پیش آیا۔ پاور ایم ڈی کا مزید کہنا ہے کہ اگر کانوڑ کی ہائٹ 12 فٹ رہی ہوتی تو حادثہ نہ پیش آتا۔ اور نہ ہمارے کانوڑیوں کی جان جاتی پاور ایم ڈی کے مطابق کانوڑ کتنی اونچائی کی ہے یہ کام پولیس کو دیکھنا ہوتا ہے۔