دس مطالبات کے پیش نظرسدھار کمیٹی کا احتجاج

بجنور میں قومی مفاد عامہ سدھار کمیٹی کے کارکنان نے حکومت سے اپنے دس مطالبات کو لے کر کلیکٹریٹ میں احتجاج کیا۔

اترپردیش میں بجنور ضلع کے تھانہ چاندپور کے قومی مفاد عامہ سدھار کمیٹی کے کارکنان نے حکومت سے اپنے دس مطالبات کو لے کر بجنور کلیکٹریٹ میدان میں احتجاج کیا اور بھوک ہڑتال پر بیٹھ گئے ہیں۔

سدھار کمیٹی کے کارکنان نے اپنے دس مطالبات کو بتاتے ہوئے کہا کہ خانپور گاؤں میں کئی برس پہلے حکومت کے جانب سے ایک پانی ٹنکی کی تعمیر کرائی گئی تھی، جو آج تک مکمل نہیں ہو سکی اس کو حکومت مکمل کرائے۔

دس مطالبات کے پیش نظرسدھار کمیٹی کا احتجاج

دوسری جانب کسانوں اورمزدوروں کو حکومت کے جانب سے پانچ ہزار روپے پینشن ادا کئے جائیں۔اور شہر میں غیر قانونی قبضوں کی بحالی کی جائے۔ اس کے علاوہ دیگر اور بھی مطالبات ہیں جس پر حکومت غورو فکر کرے ۔