حضرت فاطمہ کا روضہ تعمیر کرنے کا مطالبہ

جنت البقیع میں مسلمانوں کے آخری نبیؐ کی بیٹی حضرت فاطمہؓ کی قبر پر دوبارہ سے روضہ تعمیر کرنے کا مطالبہ کرتے ہوئے لکھنئو میں زبردست احتجاج کیا گیا۔

واضح رہے کہ 1924 میں سعودی حکومت نے آج ہی کے دن جنت البقیع میں حضرت فاطمہؓ کی قبر سمیت متعدد صحابہ کرامؓ اور تابعین کی قبروں کو منہدم کر دیا تھا۔

آل انڈیا شیعہ پرسنل لاء بورڈ سربراہی میں اس احتجاج میں لاء بورڈ کے ترجمان مولانا یعسوب عباس نے کہا کہ ہمارا سعودی حکومت سے یہی مطالبہ ہے کہ حضرت فاطمۃؓ کا مقبرہ تعمیر کرایا جائے اور انہوں نے بھارتی حکومت سے بھی مطالبہ کیا کہ سعودی حکومت سے روضہ تعمیر کرانے کی خاطر بات چیت کر ے۔

اس کے علاوہ دوسرے خطیبوں نے اپنی تقریروں میں سعودی حکومت کو نشانہ بناتے ہوئے جنت البقع میں روضوں کی تعمیر نو کا مطالبہ کیا۔