انصاف کے لئے تھانہ کے باہر دھرنا

ریاست اترپردیش کے ضلع گوتم بدھ نگر کے صنعتی علاقہ نوئیڈا میں انصاف کے لیے چند افراد دھرنے پر بیٹھ گئے۔

مقامی افراد کا کہنا ہے کہ نوئیڈا کمیشنریٹ کے نفاذ کے بعد بھی پولیس نظام میں قابل قدر بہتری دیکھنے میں نہیں آ رہی ہے۔

انصاف کے لئے تھانہ کے باہر دھرنا

انھوں نے الزام لگایا ہے کہ موجودہ نظام میں اب انصاف اور اپنی آواز کو پہنچانے کے لئے لوگوں کو پولیس تھانے کے باہر دھرنے پر بیٹھنے کی نوبت آن پہنچی ہے۔

انصاف کے لئے تھانہ کے باہر دھرنا

ایسے ہی ایک معاملے میں جب پولیس نے ان کی بات نہیں سنی تو یہ لوگ دھرنے پر بیٹھ گئے۔

یہ معاملہ نوئیڈا کے پرتھلہ چوک کا ہے۔

مظاہرین کا الزام ہے کہ بلیٹ سوار نے آٹو کو پیچھے زور دار ٹکر ماری جواب طلب کرنے پر آٹو ڈرائیور ستیندر کی جم کر دھنائی بھی کر دی،جو شدید زخمی حالت میں زیر علاج ہیں۔

گاؤں والوں نے اس کی شکایت تھانہ فیز تھری میں کی۔

ان کا الزام ہے کہ پولیس بلیٹ والے کو بچا رہی ہے۔

پولیس کا کہنا ہے کہ آمنے سامنے سے ٹکر ہوئی ہے جب کہ ستیندر کے گھر والوں کا کہنا ہے کہ پیچھے سے ٹکر ماری گئی ہے۔

اس سے آٹو کو پیچھے سے نقصان ہوا ہے۔

اس کے بعد یہ لوگ تھانہ کے باہر دھرنے پر بیٹھ کر فریاد کرنے لگے۔

مظاہرین کا کہنا ہے کہ انصاف نہ ملنے تک ان کی جدوجہد جاری رہے گی۔