ریاست اُترپردیش کے ضلع مظفر نگر میں اس احتجاج میں شامل ہونے کے لیے ریاستی کانگرس کمیٹی کے ریاستی صدر اجے کمار للو اور ہزاروں کی تعداد میں لوگ جی آئی سی کے گراؤنڈ میں پہچے۔ اس دوران انتظامیہ پوری طرح مستعد رہا اور پولیس اہلکاروں کی ایک بڑی تعداد موجود تھی۔
مظفر نگر میں زرعی قانون کے خلاف کانگریس کا احتجاج ریاستی صدر اجے کمار للو نے اس دوران کہا کہ راہل، پریانکا کی کوششوں کے بعد کانگریس سنہ 2022 کے انتخابات میں بی جے پی کے مرکزی حریف کی حیثیت سے سامنے آنے کی تیاری میں لگی ہوئی ہے۔
مظفر نگر میں زرعی قانون کے خلاف کانگریس کا احتجاج ریاستی صدر اجے کمار للو نے راشٹریہ لوک دل کے قومی جنرل سیکریٹری جینت چودھری، راہل گاندھی اور پرینکا گاندھی پر ہوئے لاٹھی چارج پر بھی افسوس کا اظہار کیا۔
انہوں نے کہا کہ سیاست کے اندر اختلافات کی ایک پوری جگہ ہے لیکن امتیازی سلوک کی کوئی جگہ نہیں ہے۔
اُنہوں نے کہا کہ سیاستداں پر اگر اسی طرح سے حملہ کیا جانے لگے گا تو آئندہ کی سیاست کے لیے ایک بہت بڑا خطرہ ہے۔
مظفر نگر میں زرعی قانون کے خلاف کانگریس کا احتجاج انہوں نے ریاستی حکومت کو متنبہ کیا کہ یوگی حکومت بے روزگار افراد کو روزگار فراہم کرنے اور بدعنوانی کی روک تھام پر توجہ دے۔ یوگی حکومت اپوزیشن جماعتوں کے رہنماؤں پر جھوٹے مقدمات چلانے یا لاٹھی چارج کر اپنی ناکامیوں کو چھپا نہیں سکتی۔
اجے کمار للو نے کہا کہ زرعی قانون کی وجہ سے ملک کے کسان اپنے آپ کو دھوکے میں محسوس کر رہے ہیں اور پورے ملک میں اس قانون کے خلاف احتجاجی مظاہرے ہو رہے ہیں۔ اس زرعی قانون کو مرکزی حکومت جب تک ملتوی نہی کرتی ہے تب تک ہمارا احتجاج جاری رہے گا۔ اس احتجاجی مظاہرے میں ہزاروں کی تعداد میں لوگوں نے شرکت کی۔
