مظفر نگر: اکھل بھارتیہ پردھان سنگھٹن کا کلکٹریٹ میں احتجاج

اکھل بھارتیہ پردھان سنگھٹن نے اپنی مختلف مطالبات کو لے کر ضلع کلیکٹریٹ میں آج احتجاجی مظاہرہ کیا۔

اترپردیش کے ضلع مظفر نگر کلیکٹریٹ میں آج اکھل بھارتیہ پردھان سنگھٹن کے ضلع صدر چودھری ستیش بالیان کی سربراہی میں سینکڑوں گرام پردھانوں نے اپنی گیارہ نکاتی مطالبات کو لے کر احتجاج کیا۔

پردھانوں کے مطالبات میں ان کی تحفظ کے لیے اسلحہ کا لائسنس فراہم کرنا، پنچایتوں کے تمام معاملات میں مکمل اختیارات کا ہونا اور ضلع منصوبہ بندی کمیٹی میں پردھانوں کی نمائندگی اور 10لاکھ روپے کے کام کا تخمینہ پاس کرنے میں گرام پنچایت کو مکمل اختیار دیا جائے جیسے مطالبات شامل ہیں۔

اکھل بھارتیہ پردھان سنگھٹن کا کلیکٹریٹ میں احتجاج

ان سبھی مطالبات کو لے کر پنچایت پردھانوں نے کلکٹریٹ میں مظاہرہ کیا، اور کہا کہ اگر ہمارے مطالبات کو تسلیم نہیں کیا جاتا، تو ہم لکھنؤ جا کر مظاہرہ کریں گے۔