ریاست اترپردیش کے ضلع میرٹھ میں آزاد سماج پارٹی کی جانب سے ضلع مجسٹریٹ آفس کے باہر احتجاجی مظاہرہ کیا گیا اور قاتلوں کو جلد از جلد گرفتار کرنے کا مطالبہ بھی کیا گیا۔
میرٹھ میں قتل کے ملزمین کی گرفتاری کے لیے احتجاج
خیال رہے کہ میرٹھ میں 25 جنوری کو صدر تھانا علاقے کے آبو نالے سے آکاش پاس کی لاش برآمد ہوئی تھی۔ لیکن ابھی تک پولیس اس کے قاتلوں کو گرفتار نہیں کر پائی ہے، جس کی وجہ سے آکاش کے گھر والوں نے دو روز قبل احتجاج کر جلد از جلد ملزمین کو گرفتار کر نے کی مانگ کی تھی۔ اس کے باوجود ابھی تک پولیس کی جانب سے اطمینان بخش کارروائی نہ ہونے و قاتلوں کو گرفتار نہیں کیے جانے سے آزاد سماج پارٹی کے کارکنان نے ضلع مجسٹریٹ آفس کے باہر احتجاجی مظاہرہ کر قاتلوں کو جلد از جلد گرفتار کرنے کا مطالبہ کیا۔