ریاست اترپردیش کے ضلع مرادآباد میں آسمان کو چھوتے سبزیوں کے دام نے ہر گھر کا بجٹ بگاڑ دیا ہے۔ اسی ضمن میں خواتین نے مرادا آابد میں کلکٹر دفتر کے سامنے مہنگائی کے خلاف احتجاج کرتے حکومت کے خلاف ناراضی ظاہر کی۔
وہیں خواتین نے اپنی ناراضگی کا اظہار کرتے ہوئے کہا کہ بجلی کے بلوں میں کوئی سہولت نہیں دی گئی۔
بجلی کا بل جمع نہ کرنے پر بجلی کاٹ دی گئی، جبکہ بچوں کی اسکول فیس میں کوئی راحت نہیں دی گئی اور اس کے بعد دودھ، دہی، ڈیری پروڈکٹ کے ساتھ ساتھ ہی آلو، پیاز اور ٹماٹر جیسی روز مرہ کی سبزیوں کی قیمتوں میں اضافے سے ہر ایک گھریلو خواتین کی پریشانیوں کے ساتھ ہی گھریلو بجٹ بگڑ چکا ہے۔
انہوں نے مزید کہا کہ گشتہ دنوں ملک بھر میں لاک ڈاؤن کے کی وجہ سے ہر انسان کے گھر کا بجٹ پہلے سے ہی بگڑا ہوا چل رہا ہے اور اوپر سے اب مہنگائی کی مار انسان کی کمر توڑ رہی ہے۔ حکومت سے مطالبہ ہے کہ وہ مہنگائی کو قابو میں کریں۔