کانپور: رسوئی گیس سلنڈر کی بڑھی قیمت کے خلاف احتجاج

کانپور میں رسوئی گیس سلنڈر کی قیمت میں اضافے کے خلاف سماج وادی پارٹی کے کارکنان نے مظاہرہ کیا۔ ان کا مطالبہ ہے کہ حکومت نے جو قیمت بڑھائی ہے اسے وہ واپس لے۔ مظاہرین نے سرکار کے خلاف جم کر نعرے بازی کی۔

کانپور میں سماج وادی پارٹی کے اسٹوڈنٹس ونگ کے کارکنان نے رسوئی گیس کے سلنڈر کے بڑھے ہوئے دام سے ناراض ہو کر مرکزی حکومت کے خلاف جم کر نعرے بازی کی اور مظاہرہ کیا۔

کارکنان نے گیس سلنڈر کے اوپر لکڑی رکھ کر مودی سرکار کو تنقید کا نشانہ بنایا۔ طلباء کا کہنا ہے 144 روپے گیس سلنڈر کی قیمت میں اضافہ کیا گیا ہے، جس کی وجہ سے عوام بہت پریشان ہے۔ ایک طرف غریب عوام کو سرکار چولہا اور سلینڈر بانٹ رہی ہے وہیں دوسری طرف لگاتار گیس کی قیمتیں بڑھا رہی ہے جس کی وجہ سے غریب لوگ سیلنڈر خرید نہیں پاتے ہیں اور لکڑی جلانے کو مجبور ہو جاتے ہیں۔

جس کی وجہ سے پیڑ کاٹے جارہے ہیں اورآلودگی پھیل رہی ہے، سرکار کو سلینڈرکی بڑھتی ہوئی قیمتوں کو بڑھانے کے بجائے اور گھٹانا چاہیے، جس سے یہ عام انسانوں تک پہنچنے میں آسان ہوجائے نہ کی اور مشکل ہوجائے۔

سماجوادی پارٹی کے اسٹوڈنٹ ونگ کے ہاتھوں میں کئی ایسے پلے کارڈ لکھے ہوئے تھے، جس میں گیس سلنڈر کی بڑھتی قیمت اور سرکار کی پالیسی کے خلاف زبردست انداز میں طنز اور تنقید تھی۔