ضلع ہمیرپور کے مودہا علاقے میں جمعہ کی نماز کے بعد سینکڑوں افراد نے اس احتجاج میں حصہ لیا۔
جب احتجاج کے دوران پولیس نے مظاہرین پر سختی برتی تب مظاہرین نے پولیس افسران پر پتھراؤ کیا جس کے بعد پولیس نے مظاہرہ کررہے لوگوں کو منتشر کرنے کے لیے لاٹھی چارج کیا۔
سی اے اے کے خلاف احتجاج، پولیس کا لاٹھی چارج دراصل مظاہرین کا کہنا ہے شہریت ترمیمی قانون کے خلاف خاموشی سے احتجاج کرنے کے لیے انہوں نے انتطامیہ کو پہلے سے ہی اطلاع دے دی تھی۔
لیکن جمعہ کی نماز کے بعد تمام پولیس افسران نے مودہا کی مسجد کے پاس پہنچ کر مظاہرین کو تتر بتر کرنے کا کام کیا جس کے بعد مظاہرین نے بھی سخت رخ اپنایا۔
ہمیر پور کے ایس پی شلوک کمار نے کہا کہ علاقے میں دفعہ 144 نافذ ہونے کی وجہ سے کسی بھی شخص کا احتجاج کرنا غیر قانونی ہے۔
انھوں نے مزید کہا کہ جن لوگوں نے بھی پتھر بازی کی ہے، ویڈیو کے ذریعے ان کی شناخت کرکے ان پر کاروائی کی جائے گی وہیں مظاہرین کا کہنا ہے کہ احتجاج کرنا ان کا آئین حق ہے لہذا اس سے انھیں کوئی روک نہیں سکتا۔
