کسان پنچایت میں پرینکا گاندھی نے بی جے پی کو تنقید کا نشانہ بنایا

پرینکا گاندھی نے مرکزی حکومت کو تنقید کا نشانہ بناتے ہوئے کہا کہ یہ دو جہاز کے لیے سولہ ہزار کروڑ روپے خرچ کر سکتے ہیں لیکن کسانوں کی بقایا رقم پندرہ ہزار کروڑ روپے کی ادائیگی نہیں کرسکتے ہیں۔

اترپردیش کے ضلع مظفر نگر کے قصبہ بگہرا میں کانگریس پارٹی کے ذریعہ ایک کسان پنچایت کا انعقاد کیا گیا، جس میں کانگریس کے سینئر رہنماؤں کے ساتھ ساتھ پرینکا گاندھی بھی شرکت کی۔ پرینکا گاندھی نے کسان پنچایت سے خطاب کیا۔

اپنے خطاب کے دوران پرینکا گاندھی نے مرکزی حکومت کی جانب سے لائے گئے تینوں زرعی قوانین کے خلاف حکومت کو تنقید کا نشانہ بنایا۔ انہوں نے کہا کہ دہلی میں ہزاروں کی تعداد میں کسان تینوں زرعی قوانین کے خلاف مسلسل احتجاج کر رہے ہیں لیکن مرکزی حکومت زرعی قوانین کو منسوخ کرنے کو تیار نہیں ہے۔ یہ تینوں قوانین کسانوں کے خلاف ہیں اور ملک کے بڑے بڑے صنعتکاروں کے حق میں ہیں۔

کسان پنچایت: پرینکا گاندھی نے بی جے پی کو تنقید کا نشانہ بنایا

انہوں نے خطاب کرتے ہوئے کہا کہ میرے یہاں آنے کا مقصد محض تقریر کرنا نہیں بلکہ میں یہاں عوام سے بات کرنے آئی ہوں۔

انہوں نے مرکزی حکومت کو تنقید کا نشانہ بناتے ہوئے کہا کہ یہ دو جہاز کے لیے سولہ ہزار کروڑ روپے خرچ کر سکتے ہیں لیکن کسانوں کی بقایا رقم پندرہ ہزار کروڑ روپے کی ادائیگی نہیں کرسکتے ہیں۔

پرینکا گاندھی نے ملک میں تیل کی بڑھتی قیمتوں پر کہا کہ بی جے پی کی حکومت میں ڈیزل اور پیٹرول کی قیمت میں مسلسل اضافہ ہو رہا ہے۔

انہوں نے اپنے خطاب میں کہا کی جہاں بھی کسانوں پر ظلم ہو رہا ہے، وہاں کانگریس پارٹی ان کے ساتھ کھڑی ہے۔