پرینکا کی یوگی حکومت پر تنقید

کانگریس جنرل سکریٹری پرینکا گاندھی نے ریاست اترپردیش میں کسانوں کے قرض معافی کے تعلق سے یوگی آدتیہ ناتھ حکومت کو ہدف تنقید بنایا۔

کانگریس جنرل سکریٹری نے پیر کے روز ٹوئٹ میں کہا کہ 'گزشتہ تین برس سے اترپریش حکومت کسانوں کے قرض معافی کا جھوٹا ڈھنڈورا پیٹ رہی ہے۔

سہارن پور میں قرض میں ڈوبے ایک کسان کی خودکشی کے معاملے میں پرینکا گاندھی نے کہا کہ 'اترپردیش میں ہر جگہ قرض وصولی کے معاملے میں چھوٹے چھوتے قرض کے لیے کسانوں کو پریشان کیا جارہا ہے۔

priyanka tweet

قرض میں ڈوبے کسان خودکشی کررہے ہیں اور اترپردیش حکومت کا دعوی ہےکہ یہاں پر کسانوں کا قرض معاف کیا گیا ہے۔ حقیقت تو سب کو عیاں ہے۔

انہوں نے کہا کہ 'سہارنپور کے کسان وید پال پر ایک لاکھ 40 ہزار روپے کا قرض تھا۔ بینک نے انہیں قرض کے لیے اتنا پریشان کیا کہ اس نے بینک کے سامنے ہی خودکشی کرلی۔