'اترپردیش حکومت نے غیرانسانی سلوک کیا'

کانگریس کی سینیئر رہنما پرینکا گاندھی واڈرا نے اترپردیش حکومت پر غیر انسانی سلوک کی حدیں پار کرنے کا الزام لگاتے ہوئے کہا کہ 'ریاستی پولیس بے بنیاد الزام لگا کر کانگریسی رہنماؤں کو جیل میں ڈال رہی ہے۔'

کانگریس رہنما پرینکا گاندھی گزشتہ روز اتر پردیش کے دارالحکومت لکھنؤ کے دورے پر تھیں جہاں وہ شہریت ترمیمی قانون کے خلاف مظاہرے میں ہلاک ہونے والے شخص کے اہل خانہ سے ملاقات کے لیے جا رہی تھیں لیکن پولیس نے انہیں جانے سے روک دیا۔

پرینکا نے بتایا کہ پولیس نے انہیں پکڑ کر کھینچا اور گرا بھی دیا، انہوں نے بتایا کہ پولیس کے ذریعے ان کے قافلے کو روکنے کے بعد وہ موٹر سائیکل پر بیٹھ کر جانے لگیں لیکن تب بھی پولیس نے ان کی موٹر سائیکل کو گھیر لیا جس کے بعد وہ پیدل چل کر اپنی منزل پر پہنچی۔

بشکریہ ٹویٹر

پرینکا گاندھی نے ٹویٹ میں کہا کہ 'اترپردیش حکومت نے غیر انسانی سلوک کی ساری حدیں پار کردی ہیں، کانگریس کی کارکن صدف ظفر واضح طورپر ویڈیو میں پولیس سے تشدد بھڑکانے والوں کو گرفتار کرنے کی بات کہہ رہی ہیں لیکن پولیس نے صدف پر جھوٹے الزامات عائد کر کے انہیں جیل میں ڈال دیا۔
پرینکا نے اپنے ٹویٹ کے ساتھ ایک تصویر بھی پوسٹ کی ہے۔