'اترپردیش حکومت بی ایڈ داخلہ امتحان ملتوی کرے'

کانگریس کی جنرل سکریٹری پرینکا گاندھی نے کورونا کے تیزی سے بڑھتے معاملوں کے پیش نظر اترپردیش حکومت سے بی ایڈ داخلہ امتحانات کی تاریخ پر ازسرنو غور کرنے کی اپیل کی ہے۔

پرینکا گاندھی نے ایک بیان میں کہا ہے کہ اترپردیش میں نو اگست کو بی ایڈ کے داخلہ امتحان ہونے والے ہیں۔ ریاست میں کورونا کی رفتار تیزی سے بڑھ رہی ہے۔ مختلف تعلیمی اداروں سے بھی کورونا انفیکشن کے معاملے سامنے آرہے ہیں۔

انہوں نے ریاستی حکومت سے اس داخلہ امتحان کو ملتوی کرنے کی اپیل کرتے ہوئے کہا کہ 'ایسے میں طلباء کی سلامتی کا اندازہ کیے بغیر تقریبا 4.5 لاکھ طلباء کو خطروں میں ڈالنا مناسب نہیں ۔ اترپردیش حکومت سے اپیل ہے کہ موجودہ حالات کو دھیان میں رکھتے ہوئے امتحان کے پروگرام پر از سرنو غور کریں'۔