وزیراعظم نے بدھ کو ایک ٹوئٹ میں کہا 'یوپی کے بارہ بنکی میں ہوئے سڑک حادثے کی خبر سے میں بہت دکھی ہوں۔ مرنے والوں کے کنبوں کے ساتھ میری ہمدری ہے۔
انہوں نے مزید لکھا کہ 'اترپردیش کے وزیراعلی یوگی آدتیہ ناتھ سے بھی بات ہوئی ہے۔ تمام زخمیوں کو اعلی طبی سہولیات فراہم کی جارہی ہیں۔'
یہ بھی پڑھیں: Barabanki Accident: یوپی کے بارہ بنکی میں سڑک حادثہ، 18 افراد ہلاک
وہیں اترپردیش کے وزیراعلی یوگی آدتیہ ناتھ نے ٹوئٹ کرتے ہوئے کہا کہ 'ضلع بارابنکی میں پیش آئے سڑک حادثہ میں لوگوں کی ہلاکت انتہائی افسوسناک ہے۔' مہلوک کے اہل خانہ کے ساتھ اظہار تعزیت کرتے ہیں۔'
بارہ بانکی سڑک حادثے میں ہلاک ہونے والے افراد کے لواحقین کے لئے پی ایم این آر ایف کی طرف سے 2 لاکھ اور زخمیوں کو 50 ہزار روپے دینے کا اعلان کیا گیا ہے۔
واضح رہے کہ بارہ بنکی میں ایک بس کو ٹرک نے پیچھے سے اتنی زبردست ٹکر ماری کہ اس میں سوار 18 افراد جاں بحق ہوگئے اور کچھ متعدد زخمی ہوئے ہیں۔