قتل کے معاملے کو ختم کرنے کا دباؤ

بہرائچ کے گاؤں کٹھوتیہ میں کچھ شرپسندوں نے ونے نشاد کو پیٹ پیٹ کر گزشتہ دنوں قتل کر دیا، معاملہ درج ہونے کے بعد پولیس مہلوکین کے بیوی پر معاملے کو رفع دفع کرنے کا دباؤ بنا رہی ہے ۔

ریاست اترپردیش میں ضلع بہرائچ کے تھانہ مورتیہ کے تحت آنے والے گاؤں کٹھوتیہ میں کچھ شرپسندوں نے ونے نشاد کو پیٹ پیٹ کر گزشتہ دنوں قتل کر دیا، معاملہ درج ہونے کے بعد پولیس مہلوکین کے بیوی پر معاملے کو رفع دفع کرنے کا دباؤ بنا رہی ہے ۔

ذرائع کے مطابق 23 اپریل کو ونے نشاد کو کچھ شرپسندوں نے شدید طور سے پٹائی کی جس کے سبب31 مئی کو اس کا انتقال ہوگیا۔ ونے کی بیوی منی دیوی کی کافی کوششوں کے بعد تھانہ میں شوہر کے قتل کا معاملہ درج کیا گیا۔ لیکن اب تک ملزمین کی گرفتاری عمل میں نہیں آئی ہے ۔

مقتول ونے کی بیوی منی دیوی کے مطابق 21 جون کو ایک ملزم ان کے گھر پہنچا اور اس سے فحش باتیں کرتے ہوئے اپنے ساتھ رکھنے کی باتیں کرنے لگا ۔اس معاملے پر پولیس بھی متاثرہ کے اہل خانہ کو صلح کرنے کی دھمکی دے رہی ہے۔

معاملے سے متعلق متاثرہ نے پولیس کپتان بہرائچ سے ملاقات کرکے ملزمین پر کاروائی کی مطالبہ کیا ہے۔ حالانکہ معاملے کے پیش نظر افسر موتی پورو کملیش سنگھ نے بتایا کہ میری میعاد سے قبل اس معاملے میں حتمی رپورٹ بنائی جا چکی ہے۔