ریاست اتر پردیش میں ان لاک 4.0 کی شروعات کے ساتھ ہی محکمہ صحت نے بھی اس کی تیاری شروع کر دی ہے، ضلع میرٹھ میں بھی چیف میڈیکل افسر کے مطابق اس سلسلے میں سبھی تیاریاں مکمل کی جا چکی ہیں لیکن نئی گائڈ لائن میں عوام کو شادی اور دیگر تقاریب میں 100 لوگوں تک شامل کئے جانے سے انفیکشن کے مریضوں میں تيزی سے اضافہ کا مکان ہے۔
ماہرین کا ماننا ہے کہ انفیکشن زیادہ ہونے کے ساتھ ہی لوگوں میں قوت مدافت کے بڑھنے سے مریضوں کو جلد انفیکشن سے نجات مل سکے گی۔
ان لاک 4.0 سے جہاں عوام كو کچھ راحت دی گئی ہے وہیں اس میں احتیاط کی بھی سخت ضرورت ہے، خاص طور پر جس طرح سے پچھلے دنوں میں كورونا کے مریضوں کی تعداد میں اضافہ ہوا ہے اس سے یہی لگتا ہے کہ اب نئی گائڈ لائن میں انفیکشن کے اور زیادہ مریض بھی دیکھنے كو مل سکتے ہیں۔