مرادآباد: محرم کی تیاریاں شروع

ریاست اترپردیش کے ضلع مرادآباد میں 10 ذی الحجہ کے بعد سے ہی ماہ محرم کی تیاریاں شروع ہو جاتی ہیں۔ اب محرم الحرام کا ماہ مبارک شروع ہوچکا ہے جس کے پیش نظر مجالس کا آغاز بھی کیا جا رہا ہے۔

مرادآباد کے امام بارگاہ اور عبادت گاہوں میں محرم کے چاند کی خبر آتے ہی صاف صفائی و رنگ روغن اور ضریح پنجے علم لگائے جارہے ہیں۔

رواں برس کورونا وائرس کی وجہ سے مجلس ماتم اور جلوسوں میں حکومت کی گائیڈ لائن کے مطابق اہتمام کیا جائے گا۔

مجلس ماتم و جلوسوں میں سماجی فاصلے کے ساتھ مختصر لوگوں کے ساتھ ہی عزاداری کا سلسلہ جاری رہے گا۔